𝗘𝗻 𝗱𝗲𝗿𝗯𝘆 𝗽𝗹𝗲𝗻 𝗱’𝗲𝗺𝗼𝘇𝗶𝘂𝗻𝘀

L’ ultimo dededolönesc á la scuadra dai Rangers d’La Pli, soghé te ciasa le derby cuntra la formaziun da Rina. Le jüch met man bun por la scuadra dla Pli, co met man con na gran concentraziun sön ci che ai á da fá. Ensciö ái spo plü ocajiuns, olache le portier dal Rina mess belo paré cotan de palês. Do da 10 minuc él spo Omar dai Rangers co fej na bela combinaziun con Mathias y röa dan porta, mo abina ma le palo.

Dedo sozedel spo na gran spordüda por düc. Le sogadú dai Rangers Filip Ploner röa te en contrast con l’ aversar y se entorc bindebo dassenn le jenedl. La partita é chita por plü de na mesora cina che l’ambulanza röa adalerch. Atlo oresson ti dí döt döt le bun y che al vegni zuruch ciamo plü sterch. Do cösta spordüda met man endo la partita plü calma y tal pröm tomp ne sozedel plü nia trep.

Le secundo tomp spo él chi da Rina co met man miú y ensciö ciafai sön en angolo en rigore, co ea der dübe, y enscö fejei spo l’1 a 0. Do cösc él i Rangers co se da na scassada mata y la met döta. Al 40’ él Elias co ciafa le palê t’area y ven motü jö. Ensciö él spo rigore por i Rangers. Pius se sorantol da le trá y fej enscö l’ 1 a 1.

Dedo él spo chi da Rina co druca dassenn y é bogn spo endo da jí en vantaje al 51’. Dedo él i Rangers co proa por en ultimo iade da oje le risultat y al ultimo minut él Pius co ne n sonta dui y tira sön, porta olache le portier sciafia ma plü da le devié te porta. Püch dedo sciürel la fin.

Cösc derby se á insegné che i resultać va y ven, mo la forza y la determinanziun de en sogadú resta. Con cösc ti aoda düć i tifosi y i sogadus dai Rangers a Filip da varí tosc. I s’la enconfortun da t’avei endo defata danter nos!