En bun punt cuntra l’ASV Pfeffersberg

Do che i Rangers La Pli á batü en edema dan Pasca i pröms da Barbian, por 3 a 2, él sté Pfeffersberg co á fat bun na posiziun te tlassifica i é a cösta moda i nös pröms. Ensciö i ara ai Rangers endo toché da messei soghé cuntra i pröms.

I Rangers s’á porchel arjigné ca bun por la partida te ciasa ete Ciamaor.

La partida met man con tramedöes les scuadres co stá bun te ciamp i ne conzed nia trepes ocajiuns. Te cösta pröma fasa édl dandadöt la scuadra da Pfeffersberg co detëia le jüch y Rangers defenn con trep engajamënt. Empormó a 4 minuc dla fin dal pröm tomp édl chi d’La Pli co fej en picio fal da defene y se ciafa ensciö le gol dal 0 a 2.

Do la pausa él i Rangers co sá tut dant da ji a rosedé le risultat, mo baldi pornanche al met man le secundo tomp édl l’atacant dla scuadra aversara co tira sön porta. Le palê i röa sön la man an defensur d’La Pli y ensciö édl l’arbiter co sciüra en rigore cutra i Rangers. I gesć ne se lascia nia to cösta chance y se porta sön le resultat de 0 a 2.
Do cösc episode édl i Rangers co met man da to la partida tres deplü te söes mans. Ai fej de beles combinaziuns y röa ince a plü trates prigoroses con Fidelis, Elias y Pius. Na trata de cöst ultim é ince roada sön stangia de porta, mo la coghera ne o nia jí ete. Al 43’ minut édl Alan co i da en bel palê a Omar co s’oj atira y tira te porta por le gol dal 2 a 1. Dedô édl le jüch co ven entres plü dür y da entrames les perts él val puniziuns. Al 53’ minut i garetel spo le 2 a 2 ai Rangers con na aziun a mez jö, olache Alex Ploner y passa le palê a Pius co a ma plü bria da le meter te porta. Ala fin á ciamó i Rangers albü döes ocajiuns da fá le gol dla deventa, mo en cösc iade n’ara nia orü ester. Ensciö s’é la partida roada 2 a 2.